වර්තමානයටත් ගැළපෙන සෞඛ්‍යයටත් හිතකර බිම් සංකල්පයක් ලෙස ටයිටේනියම්
අතීතයේ සිටම මිනිසුන් තම වාසස්ථාන,ගොඩනැගිලිවල පොළොව නිර්මාණය කිරීම සඳහා විවිධ ක්‍රමවේදයන් භාවිතා කරන ලදී.
ගොම,මැටි, ගඩොල් ඒ අතර සුලභව භාවිතා වූ අමුද්‍රව්‍ය විය.එකී අමුද්‍රව්‍ය පාදක කරගත් ගොඩනැගිලි,නිවාස වල සිසිලස, සෞඛ්‍යාරක්ෂිත බව උපරිමයෙන් පැවතුනු නමුත් නිතර නඩත්තු කිරීමට සිදුවීම,වර්ෂාවට ඔරොත්තු නොදීම, කල්පැවැත්ම අවම වීම ආදී හේතුන් මත මිනිසා ඊට උචිත මෙන්ම කල්පවතින පිළියම් සෙවීමට අවධානය යොමු කරන ලදී.
එහි ප්‍රතිඵලයක් වශයෙන් පොළොව සකස් කිරීම සඳහා ක්‍රමවේද සහ පිළියම් බොහොමයක් හඳුන්වා දුන් අතර මෑතකාලීන කාල වකවානුව තුළ විප්ලවීය වෙනසක් ඇතිකළ බිම් සැකසුම් ක්‍රමවේදය වන්නේ ටයිල් ය .
මෑතකාලීනව ටයිල් වල මිල අධික වශයෙන් ඉහළ යාම හේතුවෙන් ටයිල් වෙනුවට විවිධ විකල්ප ක්‍රමවේද සඳහා බොහෝ දෙනාගේ අවධානය යොමු වූ අතර ටයිල් වෙනුවට සොයාගත් සාර්ථකම විසඳුම ටයිටේනියම්ය.
නමුත් බිම් සංකල්පයක් වශයෙන් පොළොව සඳහා ටයිල් භාවිතා කිරීම නිසා පරිසර උෂ්ණත්වය ඉහළ යාම,වාතයට අහිතකර අංශු එකතු වීම වැනි පාරිසරික බලපෑම් බොහොමයක්
මැටිවල පවතින සිසිලස, සෞඛ්‍යාරක්ෂිත බව ටයිටේනියම් භාවිතා කිරීමෙන් නැවත ලබාගතහැකි වීම නිසාත්, ටයිල් වල මෙන් අහිතකර බලපෑමක් සිදු නොවන නිසාවෙන් ටයිල් වලට වඩා හොඳ සෞඛ්‍යාරක්ෂිත, පරිසර හිතකාමී බිම් සංකල්පයක් වශයෙන් ටයිටේනියම් හැඳින්වීම ඉතා උචිතය.
ටයිල් බිම් ඔබේ සෞඛ්‍යයට බලපාන්න පුලුවන්ද ?
ටයිල් නිර්මාණය කරනු ලබන්නේ මැටි සහ ඛනිජ වලිනි.ඒවා කැඩුණු විට හෝ කඩාදැමූ විට දුහුවිලි අංශු ඇතිවේ.එම අංශු ශ්වසනයට අනතුරක් විය හැක.එසේම ටයිල් වලින් මිනිස් සිරුරට අහිතකර අංශු පිටවීමට පවතින ඉඩකඩ ඉහළය.ඇමරිකානු පර්යේෂකයින් පවසන්නේ ටයිල් වල අන්තර්ගත ඊයම් වාතයට එක්වීම මිනිස් සෞඛ්‍යට ප්‍රබල බලපෑමක් වියහැකි බවයි.
ටයිල් බරින් වැඩිය.එමෙන්ම දෘඪ ගතියෙන් යුක්තය.එය පිලිස්සුවද මෘදු මතුපිටක් නොලැබේ. එමෙන්ම ටයිල් වල පවතින දිලිසෙන මතුපිට කොතරම් අලංකාර වුවද ටයිල් ලිස්සා යෑමේ අවදානමක් සැමවිටම පවතී.
එසේම ටයිල් බිම්වල තෙතමනය පවතින ස්ථාන වල පුස් වර්ධනය වීමේ සම්භාවිතාවය ඉහළ බවත් එවන් ස්ථානවල විවිධ බැක්ටීරියා වර්ග ඇති බව මෑතකාලීන අධ්‍යනයකින් හෙළිවී ඇත. මෙම බැක්ටීරියා වර්ග බොහොමයක් පෙනහළු, අමාශය ආශ්‍රිතව විවිධ ආසාදනයන්ට හේතු විය හැකිබව ඔවුන් සොයාගෙන ඇත. එසේම ටයිල් වලින් විවිධ විකිරණ පිටවිය හැකි බවටද මතයන් පවතී.
වර්තමානයටත් ගැළපෙන සෞඛ්‍යයටත් හිතකර බිම් සංකල්පයක් ලෙස ටයිටේනියම්
ටයිටේනියම් යනු සෞඛ්‍යයට හිතකර මෙන්ම පරිසර හිතකාමී බිම් සංකල්පයකි.ස්වභාවික ද්‍රව්‍යයකි. ටයිටේනියම් බිම් වලින් අහිතකර අංශු පිටවීමක් සිදු නොවේ.
ඉතාමත් සැහැල්ලු ද්‍රව්‍යයක් වන ටයිටේනියම් දෙපයට සැහැල්ලු මෙන්ම මෘදු මතුපිටක් සහිත බිමක් සැමවිටම ලබාදෙයි.
ටයිල් වල මෙන්ම අලංකාර මතුපිටක් ටයිටේනියම් වලින්ද ලබාගත හැකි අතර ටයිල් මෙන් ලිස්සා යෑමේ අවදානමකට ඔබ බිය විය යුතු නොවේ.
එසේම ටයිටේනියම් බිමට ටයිල් වල මෙන් ග්‍රවුට් භාවිතා කිරීමට අවශ්‍ය නොවන නිසා පුස්, දිලීර ,බැක්ටීරියා වර්ධනය වීමක් සිදු නොවන අතර අහිතකර ආසදනයන්ට බිය විය යුතු නැත.
සම්ප්‍රදායික ගැමි සිසිලස විදගන්න අලුත්ම trend එක ටයිටේනියම්,
Hotels වල Eco House, Ayurvedic Resort , යෝගා මධ්‍යස්ථාන සහ ආයුර්වේද මධ්‍යස්ථාන වල මැටි කුස්සි / බෙහෙත් සකසන ස්ථාන වැනි ගොඩනැගිලි ටයිටෙනියම් වලින් ඉදි කිරීම වර්තමානයේ නවීන ක්‍රමවේදයක් බවට පත් වී තිබේ.
මෙම ගොඩනැගිලි මැටි මුල්කාලීනව මැටියෙන් ඉදි කරන ලද නමුත් මාධ්‍යයක් වශයෙන් මැටි භාවිතයේදී ඇතිවූ විවිධ ගැටළු හේතුවෙන් ඒ සඳහා ටයිටේනියම් භාවිතයට යොදාගත් අතර වර්තමානයේදී ඒ සඳහා සුදුසුම මාධ්‍යය ටයිටේනියම් බවට පත්ව තිබේ.
ස්වභාවික මැටිවලින් ලැබෙන සිසිලස සහ සුවදායී බව ටයිටේනියම් වලින් එපරිද්දෙන්ම ලබා ගත හැකිය. ටයිටේනියම් මැටි මෙන් නිතරම නඩත්තු කිරීම් වලට යටත් කළ යුතු නොවේ.
සරල මුහුණුවරක් ගත් ඉහත කී ගොඩනැගිලි සඳහා මැටිවලට වඩා ටයිටේනියම් උචිත වීමට බලපෑ හේතූන් පහත පරිදි ගොනු කළ හැකිය.
- ස්වභාවික මැටි වර්ණය හා ලක්ෂණ එලෙසින්ම ලබාගත හැකි වීම.
- ටයිල් වල පවතින නවීන මෝස්‌තර ටයිටේනියම් වලින් ලබාගත හැකි වීම.
- මැටිවලට වඩා දිගුකාලීන කල් පැවැත්මකින් යුක්ත වීම.
- මැටිවලට වඩාශක්තිමත් බවින් වැඩි වීම.
- ශරීරයට අහිතකර අංශු පිටවීමක් සිදු නොවීම .
- පෘෂ්ඨයට ජලය උරා ගැනීමක් සිදු නොවීම.
- මැටි මෙන් ජලයට දියවීම සිදු නොවීම .
- නිසි ප්‍රමිතියෙන් කළ විට පිපිරීම් ඉරිතැලීම් රහිත වීම.
- මැටිවලට වඩා සුමට ගොඩනැගිල්ලක් ලබාගත හැකි වීම.
- ටයිල් මෙන්ම පහසුවෙන් පිරිසිදු කිරීමේ හැකියාව.
- ගොඩනැගිල්ල තුළ සිසිලස රඳා පවතී.
- පරිසර හිතකාමී.
- සෞඛ්‍යාරක්ෂිතයි.
ශරීර සෞඛ්‍යයට හිතකර බිම් සංකල්පයක් වශයෙන් මෙන්ම මැටිවලට වඩා ශක්තිමත් මෙන්ම කල්පවතින ආකර්ෂණීය නිර්මාණයක් සඳහා ටයිටේනියම් අද දින වන විට වඩාත් කරළියට පැමිණ ඇත්තේ එබැවිණි.
