බිම් සැකසුම් කලාවේ නුතන පුනරාගමනය
කාලීන නිවාස අලංකරණ විසදුම් අතරින් විප්ලවීය නිෂ්පාදනයක් වශයෙන් ටයිටේනියම් හැඳින්විය හැකිය. ටයිල් වලට වඩා දිගු කාලීන පැවැත්මක් අන්තර්ගත ටයිටේනියම් වර්තමානයේ නිවාස, ව්‍යාපාරික ගොඩනැගිලි , ආගමික ස්ථාන ආදී ඉදිකිරීම් රැසක අභ්‍යන්තර සැලසුම් සදහා භාවිත කරන නවීනතම ක්‍රමයක් බවට පත්ව ඇත.
ටයිල් හා සමානවම අනර්ඝ නිමාවක් ලබා දෙන ටයිටේනියම් වර්ණ හා මෝස්තර රාශියකින් ලබාගත හැකි සාම්ප්‍රදායික නිමාවන්ගෙන් ඔබ්බට ගිය නිර්මාණ මාර්ගයකි.
සින්තටික් නිමාවන් ගෙන් මිදී ස්වභාවික නිමාවක් හා වටපිටාවක් , ආකර්ෂණය පෙනුමක් ලබාදෙන ටයිටේනියම් ලාංකීය ඉදිකිරීම් ක්ෂේත්‍රය ආක්‍රමණය කර මේ වන විට වසර පහක පමණ කාලයක් ගතවී ඇතත් බොහෝ පිරිසකට ටයිටේනියම් තවමත් නව අත්දැකීමක්.
ටයිටේනියම් බිම් සංකල්ප සඳහා ඉතාමත් ජනප්‍රිය වර්ණ වන්නේ අළු සහ සුදු වර්ණ ප්‍රභේදයි. ඒ හේතුවෙන් ටයිටේනියම් කියූ පමණින් බොහෝ දෙනෙක් චිත්‍තරෑප මවා ගන්නේ අළු වර්ණය හෝ සුදු වර්ණය සහිත නිමාවකටය.
නමුත් ටයිටේනියම්,
- තනි වර්ණ නිමාවක්
- වර්ණ සංයෝග නිමාවක්
- දෘඪ නිමාවක්
ආදී විවිධ නිමාවන් ඔස්සේ වුවද ලබාගත හැකිය.
නිවසකට සුන්දර පෙනුමක් එක් කරන ඉහත කී අළු වර්ණය හා සුදු වර්ණයට අමතරව දුඹුරු, කළු ආදී වර්ණ ගණනාවක් හා එම වර්ණයන්හි ලා පැහැයේ සිට තද පැහැය දක්වා වර්ණ ප්‍රභේදයන් ද ටයිටේනියම් මඟින් ලබාගත හැකිය.
එසේම ඒකීය රටාවක් හැරුණු විට වර්ණ කීපයක් සුසංයෝග කරමින් තමාට සිතැඟි පරිදි ටයිල් හා සමානවම විවිධ මෝස්තර අන්තර්ගත වූ නිමාවක් වුවද ටයිටේනියම් ආශ්‍රයෙන් ලබාගත හැකිය.
වර්තමානයේ නව ආරක් ගෙන අතිශය ජනප්‍රියව පවතින දෘඪමය නිමාවද ටයිටේනියම් ආශ්‍රයෙන් ලබා ගත හැකිය. ස්වභාවික සුන්දරත්වයක් හා ආකර්ෂණීය බවක් එක්කරන දැවමය නිමාව දුඹුරු රතු වර්ණ ගැන්වීම් ප්‍රභේදයේ සිට ඉතා උදාසීන වර්ණ ගැන්වීම දක්වා විවිධ මෝස්තර යොදා ගනිමින් නිවසට දැවමය නිමාවක් සහිත බිම් සංකල්පයක් වුවද අත්හදා බැලීමේ අවස්ථාව ඇත.
